Informasjon - Norwegian Fjords Holiday

Informasjon

På denne sida får du informasjon om Hareid kommune, og fleire av aktivitetane knytt til kommunen. Drøym deg vekk med ei god bok på Hareid folkebibliotek i eit nytt og moderne bibliotek, eller lån med deg lesestoff tilbake til hytta. Om du har lyst på ei treningsøkt er det mogleg, fordi Hareid har to treningssenter.

Kanskje du er golfinteressert eller berre har lyst til å prøve? Ja, då har Sunnmøre Golfklubb ei 9-hols golfbane samt moglegheit for å spele fotballgolf. Om sommaren kan du nyte late dagar ved Overåsanden – kanskje Sunnmøres flottaste strand.

Bli kjent og få informasjon om vårt spennande nærområde

Om Hareid

Hareid ligg på øya Hareidlandet i Møre og Romsdal. Hareid grensar i vest til Ulstein, og er ellers er den omgitt av øykommunene Giske og Sula i nord og aust, og over Vartdalsfjorden av Ørsta. Det høgaste fjellet i Hareid er Kongsvollen (683 moh.), og er grensefjellet mellom Hareid og Ulstein. Og det nest høgaste er Melshornet (668 moh.), og det høgaste fjellet på øya er Blåtinden (697 moh). Det største vatnet er Snipsøyrvatnet (3,19 km²).

Sunnmøres mest attraktive fjordhytter ligg i ein fantastisk natur med utsikt til det beste Noreg og Sunnmøre har å by på av fjell og fjordar. Almestranda ligg lunt og vakkert til ved fjorden.

Lokale butikkar

Eit knapt kvarter med bil frå fjordhyttene ligg den lokale daglegvarebutikken Marutham. Køyrer du 5 minutt lenger vil du i Hareid sentrum finne kjente kjeder som Bunnpris, Coop Extra og Eurospar. Her har ein også tilgang på fleire butikkar, i tillegg til apotek og handverksbakeri som kan freiste med nykverna kaffe og fersk bakst.

Flyplass både i Hovden og Ålesund.

Flyplass

Vigra (Ålesund lufthamn) – Hareid:
Ca. 1 t og 20 min med ferje og bil
Ca. 50 min med hurtigbåt og buss

Hovden (Ørsta-Volda lufthamn) – Hareid
Ca. 40 min med bil

Frå Hareid til Almestranda tek det om lag 20 minutt med bil.

Hurtigbåt og ferje

Frå Hareid går det hurtigbåt til Ålesund og Valderøya (korrespondanse med flybuss). Turen til Ålesund sentrum tek om lag 25 minutt. Vegen over til Valderøya tek ytterlegare 10 minutt. Dersom avgangen korresponderer med buss vil denne stå ventande på kaia klar til å køyre til Ålesund lufthamn. Denne køyreturen er på ca. 10 minutt.

Ferja mellom Hareid og Sulesund tek omtrent 25 minutt. Frå Sulesund tek det 15 minutt med bil til Moa og vidare 15 minutt til Ålesund sentrum.

Rutetider på Fram
Rutetider for hurtigbåt
Ferjeruter

Frå Hareid til Almestranda tek det om lag 20 minutt med bil.

Ulsteinvik

Ta turen til nabokommuna og Ulsteinvik. Her har ein moglegheit for shopping med både kjøpesenter og sjølvstendige butikkar. For kulturelle opplevingar kan ein besøke Sjøborg kulturhus og kino som tilbyr eit variert program for heile familia. Ein kan også stikke innom Ulstein Arena med blant anna Ulsteinbadet og Klivrehallen. Om du er interessert i ei runde Padel finn ein også det i kommuna.