Nærområdet

Nærområdet

Eit spennande kapittel i norsk historie – Ishavsmuseet

I nærområdet til fjordhyttene og ein kort biltur kan du besøke Ishavsmuseet Aarvak, lokalisert på Brandal på Sunnmøre. Her kan du oppleve historia frå sjøfarts-, fangst- og polarhistoria. Ishavsmuseet Aarvak er eit spesialmuseum innan emnet polar, med hovudfokus på Norsk selfangst og overvintringsfangst.

Nærområdet byr på skuter av tre og mannskap av jarn

Ei spanande soge i vårt nærområdet om ishavets sanne heltar, kvardagsheltane, og om ei næring som skulle få så mykje og seie for ein heil nasjon. Selfangst og overvintringsfangst. Mennene som kjempa mot naturkrefter og heimlengsel. Dei som reiste ut 15 år gamle utan tvil i sjela. Skipperar og fangstmenn. Det handla om og overleve, og kanskje oppfylgje ein draum om rikdom. Mange kom ikkje attende, men fekk si våte grav. Det var skuter av tre, og mannskap av jarn.

Når Lofoten er for langt vekke – Flø

Flø ligg ute i havgapet. Her kjem du tett på havet, storbåra og det opne landskapet. Når mange syns det er for langt å reise til Lofoten, er Flø eit godt alternativ.

Det er ikkje berre den storslåtte naturen som gjer at Flø trekkjer til seg folk. Ein kan òg ta turen på kunstgalleri, med utstillingar frå både nasjonale og internasjonale kunstnarar.

Bustaden til hundretusenar av fuglar – Runde

Det sørlegaste fuglefjellet i Noreg ligg på Runde og er viden kjent både nasjonalt og internasjonalt. – Tenk å ha slik ein attraksjon nær fjordhyttene!

Runde kan også by på andre naturopplevingar og aktivitetstilbod. Til dømes båttur til Rundefjellet og utstilling av Rundeskatten samt kafè hjå Runde Miljøsenter.

Eit eventyr av eit gardstun – Hakallegarden

Hakallegarden besøksgard ligg i Vanylven kommune. Gardstunet har mange spennande aktivitetar for barn, der ein kjem tett på dyra på garden. Møte med små og store dyr, riding, kafè, utstilling og utsikt er nokre av tinga du kan oppleve der.

Eit spesielt kafébesøk – Kråen Gard

I vakkert kulturlandskap ligg Kråen Gard med panoramautsikt til fjell, fjord og storhavet. Her kan ein overnatte i mikrohus, oppleve garden med nysgjerrige geiter og spise på restauranten. Aktivitetar i nærleiken er alt frå kajakk, kano, dykking, fisking og surfing på sjøen, til sykling, klatring og fotturar på land.

Eit spennande kapittel i norsk historie – Ishavsmuseet

Nærområdet byr på skuter av tre og mannskap av jarn

Når Lofoten er for langt vekke – Flø

Bustaden til hundretusenar av fuglar – Runde

Eit eventyr av eit gardstun – Hakallegarden

Eit spesielt kafébesøk – Kråen Gard